"Yure Fernández atiéndemos na so sidrería como quien recibe a un amigu en casa. Ella diz que la especialidá de la casa son los callos y les caces de gochu pero nós creemos que ye la hospitalidá. Ella y la so má, Lucía Pérez, na cocina, rexenten dende va trés años El Madreñeru de Cayés, onde ufierten una cocina tradicional “como la de casa güela”, con fabada, pote, chorizu, pitu, cachopu... Ensin escaecese de les variaes tapes acompangaes d'una botella sidre por namás seyes euros. Tolos díes ufierten un menú preparáu con mimu, anque'l de verdá especial ye'l menú fin de selmana, con caces, cabritu y otres esquisiteces. Dende la barra, Yure échamos unos culetes mentes desplica por qué tien sidra de JR. “Probelo n'otru sitiu enantes de tener el chigre y gustábame, asina que cuando me la ufiertaron nun lo duldé. Gusta enforma”. Amás de la zona de barra y sidrería, de les que van quedando poques, cunten con terraza techada y un íntimu comedor afayaízu pa grupos reducíos. Tienen aparcamientu propiu. ... Y una vegada que yá tamos ellí, nun ye mala idea visitar el Muséu de Fernando Alonso, a un pasu de la sidrería. Price per person: €20–30 Food: 5 Service: 5 Atmosphere: 5 Recommended dishes: Manitas de Cerdo Espectaculares, Cabrito"
